Ўзбекистон Республикаси Президентининг 2026 йил 3 мартдаги ПФ–33-сонли Фармони ижросини таъминлаш мақсадида Конимех туманида маҳалла раислари учун ўқув-семинар ташкил этилди.

Ушбу семинарда Навоий вилояти ҳокимлиги ҳузуридаги фуқароларнинг ўзини ўзи бошқариш органлари ходимларини малакасини ошириш бўйича ўқув курси раҳбари З.Шамуродова ҳамда бош мутахассис С.Садирова иштирок этдилар.

Семинар давомида Халқ депутатлари Конимех туман Кенгаши котибияти мудири А.Жайнаров сўзга чиқиб, иштирокчиларга вилоятдан сайланган сенаторлар, ҳудудимиздан сайланган Олий Мажлис Қонунчилик палатаси депутати, шунингдек туман ҳудудидан сайланган вилоят ва туман Кенгашлари депутатларининг маҳалла даражасида аҳоли муаммоларини аниқлаш, уларни ўрганиш ва самарали ҳал этиш борасидаги ҳамкорлиги хусусида батафсил маълумот берди.

Шунингдек, у маҳалла раислари билан Ўзбекистон Республикаси Олий Мажлиси Сенати Кенгашининг “Ҳудудларни ривожлантириш ҳамда аҳоли муаммоларини ҳал этишда маҳаллий Кенгашлар депутатлари ва сенаторларнинг «маҳалла еттилиги» билан ўзаро ҳамкорлигини янада кучайтириш чора-тадбирлари тўғрисида”ги КҚ–35-V-сон қарори юзасидан фикр алмашиб, бахс-мунозаралар олиб борди.