Boyovut tumanida “Al-Beruniy” shoh ko‘chasi 24/7 rejimga moslashtirish ishlari o‘rganildi

Oʻzbekiston Respublikasi Prezidenti hujjatlari, Oliy Majlis palatalari va Hukumat qarorlari, shuningdek oliy darajadagi tashriflar davomida erishilgan kelishuvlar asosida ishlab chiqilgan “yo‘l xaritalari” ijrosini ta’minlash maqsadida, Boyovut tumanini ijtimoiy-iqtisodiy rivojlantirishga qaratilgan chora-tadbirlar izchil amalga oshirilmoqda.

🛣 Shu doirada, Boyovut tumani “Beruniy” mahallasida joylashgan Al-Beruniy shoh ko‘chasining 2,4 km qismini tunu-kun faoliyat yuritadigan 24/7 rejimga moslashtirish ishlari joyiga chiqqan holda o‘rganildi.

🤝 O‘rganish jarayonida Kengash raisi O.Isanov, Kengash kotibiyati mudiri X.Berdiyarova hamda deputatlar ishtirok etib, amalga oshirilayotgan ishlar holati bilan tanishildi va ularni yanada jadallashtirish yuzasidan takliflar bildirildi.

📈 Mazkur ishlar hududda infratuzilmani rivojlantirish, tadbirkorlik faoliyatini kengaytirish hamda aholiga qulay sharoitlar yaratishga xizmat qiladi.