Халқ депутатлари Янгиқўрғон тумани Кенгаши котибиятида иш куни белгиланган тартиб асосида, ходимларнинг ишга ўз вақтида келиши, кунлик вазифаларни аниқ режалаштириш ҳамда масъулиятли ёндашув асосида бошланмоқда.

📌 Котибият мудири Эргашева Мунисхон Рустамбековна томонидан ўтказилган ишчи йиғилишда навбатдаги сессияга тайёргарлик кўриш масалалари муҳокама қилинди.

Хусусан, ҳафта давомида иш режаси асосида ташкил этиладиган доимий комиссия йиғилишида сессия кун тартибига киритиладиган масалаларни дастлабки тарзда кўриб чиқиш, таҳлил қилиш ҳамда зарур ҳужжатларни сифатли тайёрлаш юзасидан котибият бош мутахассислари К. Эгамбердиев, Б. Ходжаева ва Ш. Алимирзаевларга тегишли топшириқлар берилди.

↗️ Шунингдек, йиғилишда туман Кенгаши депутатлари фаолияти самарадорлигини ошириш, улар томонидан амалга оширилаётган ишларни таҳлил қилиб бориш, жойлардаги мавжуд муаммоларни тизимли ўрганиш ҳамда уларни ҳал этиш бўйича таъсирчан депутатлик назоратини йўлга қўйиш масалаларига алоҳида эътибор қаратилди.

📈 Фуқаролар мурожаатлари билан ишлаш самарадорлигини ошириш, қабул қилинган қарорлар ижросини таъминлаш, депутатлик сўровлари ва назорат-таҳлил ишларини кучайтириш бўйича аниқ вазифалар белгилаб олинди.

✔️ Котибият фаолиятида интизом, масъулият, ташаббускорлик ва натижадорликни таъминлаш устувор вазифа этиб белгиланган.