Orol MFY Axborot-kutubxona markazi: Zamonaviy sharoitlar va keng imkoniyatlar bilan xizmatda

Xalq deputatlari tuman Kengashi deputati N. Ruziyeva hamda bosh mutaxassis K. Abdullayeva bilan birgalikda Orol MFY hududida joylashgan tuman Axborot-kutubxona markaziga tashrif buyurildi.

Mazkur markaz 23 mingdan ziyod kitob fondiga ega bo‘lib, 4 ta bo‘lim orqali aholiga, xususan kitobxonlarga sifatli xizmat ko‘rsatib kelmoqda. Joriy yil boshidan buyon 3000 nafardan ortiq kitobxon markaz xizmatlaridan foydalangan.

Kutubxonada barcha zarur qulay sharoitlar yaratilgan bo‘lib, zamonaviy Wi-Fi tarmog‘i orqali foydalanuvchilarga erkin foydalanish imkoniyati taqdim etilgan. Bu esa kitobxonlar, ayniqsa yoshlarning bilim olishga bo‘lgan qiziqishini yanada oshirmoqda.

Shuningdek, markazda turli ijtimoiy tarmoqlar va elektron resurslardan foydalanish imkoniyati mavjud. Kitoblarni nafaqat markazga tashrif buyurib, balki elektron platformalar orqali ham olish mumkin.

Markazda o‘quvchi yoshlar, o‘rta yoshdagilar hamda keksalar uchun alohida hududlar tashkil etilgan bo‘lib, bu esa har bir foydalanuvchi uchun qulay va samarali muhit yaratishga xizmat qilmoqda.