Tashrif davomida mahalla aholisi bilan ochiq muloqot o‘tkazilib, ularning murojaatlari, taklif va muammolari tinglandi. Fuqarolar tomonidan bildirilgan masalalarni joyida o‘rganish hamda ularni hal etish yuzasidan tegishli mutasaddilarga topshiriqlar berildi.

Jumladan, mahalla aholisi uchun qurilayotgan qo‘shimcha mahalla binosining qurilish jarayoni ko‘zdan kechirilib, ishlarni sifatli tashkil etish, belgilangan muddatlarga qat’iy rioya etish bo‘yicha aniq vazifalar belgilab berildi.

 Shuningdek, yoshlarni sportga keng jalb etish, sog‘lom turmush tarzini targ‘ib qilish maqsadida hududdagi futbol maydonini zamonaviylashtirish masalasi muhokama qilindi hamda ushbu yo‘nalishda amaliy ishlarni jadallashtirish zarurligi ta’kidlandi.

 Shu bilan birga, mahalla hududidan oqib o‘tuvchi ariqda olib borilayotgan tozalash va obodonlashtirish ishlari ham ko‘zdan kechirildi. Mazkur ishlar ekologik muhitni yaxshilash, hududni obod qilish va aholi uchun qulay yashash sharoitini yaratishda muhim ahamiyat kasb etishi qayd etildi.

 Ta’kidlanishicha, deputatlik faoliyati doirasida bunday tashriflar hududlardagi muammolarni bevosita joyiga chiqib o‘rganish, aholi bilan yaqindan muloqot qilish va ularning muammolariga tezkor yechim topishda muhim o‘rin tutadi.

 Ko‘l mahallasida amalga oshirilayotgan ishlar kelgusida hududni yanada rivojlantirish, infratuzilmani yaxshilash va aholining turmush darajasini oshirishga xizmat qilishi alohida qayd etildi.