Deputat tomonidan mahalla raisi hamda xotin-qizlar faolining faoliyati o‘rganildi

Tuman Kengashi deputati B.Baxovadinov tomonidan Rovatak mahalla raisi hamda xotin-qizlar faolining faoliyati tahlil qilindi. O‘rganish jarayonida aholi bilan ishlash tizimi, murojaatlarni ko‘rib chiqish va ularning ijrosi, ijtimoiy himoyaga muhtoj oilalar bilan olib borilayotgan manzilli ishlar e’tiborga olindi.

Mahalla raisining hududda ijtimoiy-ma’naviy muhitni mustahkamlash, jinoyatchilikning oldini olish, obodonlashtirish va aholi bandligini ta’minlash borasidagi ishlari yuzasidan ma’lumotlar tinglandi. Shuningdek, mahalla hujjatlarining yuritilishi, “mahalla yettiligi” bilan hamkorlik darajasi o‘rganildi.

Xotin-qizlar faolining xotin-qizlar bandligini ta’minlash, ularning muammolarini o‘rganish, ijtimoiy qo‘llab-quvvatlash, tazyiq va zo‘ravonlikning oldini olish borasida olib borayotgan ishlari tahlil qilindi.

✅Xalq deputatlari O'rta Chirchiq tuman Kengashi!