Mazkur yig‘ilishda xalq deputatlari Marg‘ilon shahar Kengashi raisi, kotibiyat mudiri, doimiy komissiya raisi hamda kotibiyat mutaxassislari “Zoom” platformasi orqali ishtirok etdilar.

Majlis davomida mahalliy Kengashlar tomonidan jinoyatchilikka qarshi kurashish, huquqbuzarliklar profilaktikasini kuchaytirish hamda hududlarda kriminogen vaziyatni barqarorlashtirish borasida amalga oshirilayotgan ishlar muhokama qilindi. 

Shuningdek, deputatlik so‘rovlari natijadorligi, ularga o‘z vaqtida va sifatli javob berish masalalari hamda bu borada tizimli nazoratni kuchaytirish zarurligi ta’kidlandi.

Yig‘ilishda mahalliy vakillik organlari faoliyatini raqamlashtirish, zamonaviy axborot texnologiyalarini keng joriy etish orqali ish samaradorligini oshirish masalalariga ham alohida e’tibor qaratildi.

Shu bilan birga, mahalliy davlat hokimiyati vakillik organlari faoliyatini 2030-yilga qadar rivojlantirish konsepsiyasi ijrosi hamda norma ijodkorligi faoliyati tahliliga oid masalalar yuzasidan fikr almashildi.

Mazkur yig‘ilish mahalliy Kengashlar faoliyatini yanada takomillashtirish, deputatlik nazoratini kuchaytirish hamda hududlarda tizimli ishlash samaradorligini oshirishga xizmat qiladi.