Kitob — bilim manbai, ma’naviyat xazinasi

✅Bandixon tumanida davlat organlari va huquqni muhofaza qilish idoralari xodimlarining intellektual salohiyatini oshirish hamda bo‘sh vaqtlarini mazmunli tashkil etish masalalari doimiy e’tiborda.

✅Bugun Xalq deputatlari Bandixon tuman Kengashi raisi E.Jurayev, tuman Kengashi deputati O.Jumayev hamda Kengash kotibiyati bosh mutaxassisi E.Eshonqulovlar tuman Ichki ishlar bo‘limida bo‘lishdi.

🔴O‘rganish davomida quyidagilarga asosiy e’tibor qaratildi:

🔴Bo‘lim tasarrufidagi kutubxonaning umumiy holati va kitob fondi;

🔴Xodimlarning mutolaa qilishlari uchun yaratilgan sharoitlar;

🔴Badiiy va sohaviy adabiyotlarning yangilanish darajasi.

✅Muloqot davomida kitobxonlik madaniyatini yanada yuksaltirish, xodimlarning huquqiy va estetik bilimlarini boyitishda kutubxonaning o‘rni beqiyos ekanligi ta’kidlandi. Mas’ullarga kutubxona fondini yangi nashr etilgan badiiy adabiyotlar bilan boyitish yuzasidan tegishli tavsiyalar berildi.

"Ma’naviyatli xodim — el-yurt tinchligining mustahkam qalqonidir."