Deputat Bahodir Normatov tomonidan Bo‘ston mahallasida kommunal xizmat ko‘rsatish holati atroflicha o‘rganildi. O‘rganish jarayonida hududdagi mavjud infratuzilma, aholiga ko‘rsatilayotgan xizmatlar sifati hamda mavjud muammolar joyiga chiqib ko‘zdan kechirildi.

Shuningdek, o‘rganish davomida mahalla aholisi bilan bevosita muloqot o‘tkazilib, ularning fikr va takliflari eshitildi. Fuqarolar tomonidan asosan kommunal xizmatlar sifati, xususan, yangi qurilgan isitish tizimidagi nosozliklar, ayrim hududlarda issiqlik yetib kelmasligi, 60-A ko‘ qavatli uy lifti nosoz holatdaligi, ichimlik suvi bosimi pastligi hamda chiqindilarni o‘z vaqtida olib chiqib ketish bilan bog‘liq kamchiliklar tilga olindi.

Aniqlangan muammolar yuzasidan tegishli tashkilotlarga zarur choralar ko‘rish bo‘yicha topshiriqlar berilib, masalalar deputat nazoratiga olindi. O‘rganish natijalari bo‘yicha muammolarni bartaraf etish yuzasidan aniq chora-tadbirlar belgilanishi qayd etildi.