Xalq deputatlari tuman Kengashi deputatlari hamda Kengash huzuridagi ekspert guruhi a’zolaridan iborat ishchi guruh tomonidan tuman tibbiyot birlashmasida o‘rganish ishlari izchil davom ettirilmoqda.

🩺O‘rganish davomida tibbiyot birlashmasining moddiy-texnik bazasi, mavjud sharoitlar hamda aholiga ko‘rsatilayotgan tibbiy xizmatlar sifati atroflicha tahlil qilindi. Xususan, rentgen kabi muhim diagnostika uskunalarining texnik holati, ularning sozligi, doimiy ishlash darajasi hamda ulardan samarali foydalanish holatlari batafsil o‘rganildi.

⏺Shuningdek, uskunalarning muntazam texnik ko‘rikdan o‘tkazilishi, ehtiyot qismlar bilan ta’minlanganligi, mutaxassislarning ulardan foydalanish bo‘yicha malakasi va xizmat ko‘rsatish jarayonidagi mavjud muammolar ham tahlil qilindi.

⏺Aniqlangan kamchiliklar yuzasidan tegishli mutasaddilarga taklif va tavsiyalar berilib, ularni bartaraf etish choralarini ko‘rish yuzasidan vazifalar belgilandi.

⏺Mazkur o‘rganish ishlari tumanda tibbiy xizmatlar sifatini oshirish, zamonaviy diagnostika imkoniyatlaridan samarali foydalanish hamda aholiga qulay va sifatli tibbiy xizmat ko‘rsatishni ta’minlashga xizmat qiladi.

 (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)Qiziriq tumani Kengashi Axborot xizmati 

Rasmiy sahifalarimiz👇

Telegram (https://t.me/+h07HeUv_IP44MmUy) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)