Bobur MFY hududida faoliyat yuritayotgan yoshlar yetakchisi hamda profilaktika inspektorining xizmat faoliyati, amalga oshirilayotgan ishlar deputat nazoratiga olindi. O‘rganish jarayonida mahalladagi yoshlar bilan ishlash, ularning bandligini ta’minlash, bo‘sh vaqtini mazmunli tashkil etish, shuningdek huquqbuzarliklarning oldini olish borasida olib borilayotgan ishlar muhokama qilindi.

Shuningdek, mahallada tinchlik-osoyishtalikni ta’minlash, yoshlar o‘rtasida turli salbiy holatlarning oldini olish bo‘yicha amalga oshirilayotgan chora-tadbirlar yuzasidan mas’ullarga tegishli tavsiyalar berildi.

Deputat tomonidan bu boradagi ishlarni yanada kuchaytirish, yoshlar bilan manzilli ishlash hamda muammolarni o‘z vaqtida hal etish bo‘yicha vazifalar belgilab berildi.