Xalq deputatlari Sho‘rchi tuman Kengashiga 17-To‘la saylov okrugidan saylangan deputat, Sho‘rchi tumani hokimi Akbarali Ishmurzoyev tumandagi 2-son sport maktabi murabbiylari hamda sportchilari bilan ochiq va samimiy muloqoto‘tkazdi. 

Tadbirdavomida tumanda sportni yanada rivojlantirish, yoshlar o‘rtasida sog‘lom turmush tarzini keng targ‘ib qilish, iqtidorli sportchilarni qo‘llab-quvvatlash hamda yuqori natijalarga erishish masalalari atroflicha muhokama qilindi. 

Uchrashuv jarayonida murabbiylar tomonidan sport infratuzilmasini yaxshilash, mavjud sharoitlarni yanada takomillashtirish, sport anjomlari bilan ta’minlash va yoshlar qamrovini kengaytirish bo‘yicha takliflar bildirildi. Hokim ushbu tashabbuslarni qo‘llab-quvvatlashini, sport sohasiga e’tibor doimiy ravishda kuchaytirilishini ta’kidladi. 

Shuningdek, tadbir davomida xalqaro va respublika musobaqalarida yuqori natijalarga erishayotgan yosh sportchilar e’tirof etildi. Ularning mehnati va yutuqlari tumanning sport salohiyatini yanada yuksaltirishga xizmat qilayotgani qayd etildi. Ayrim sportchilarga esdalik sovg‘alari topshirilib, kelgusida yanada katta marralarni zabt etishlariga tilak bildirildi. 

Yig‘ilish ochiq muloqot, o‘zaro fikr almashish va konstruktiv takliflar asosida o‘tdi. Sho‘rchi tumanida sportni ommalashtirish, yoshlarni sog‘lom va barkamol etib tarbiyalash borasidagi ishlar izchil davom ettirilishi ta’kidlandi.