Kogon tumanida “Yashil makon” umummilliy loyihasi doirasida ko‘chat ekish ishlari izchil davom etmoqda!

Bugun ekologiyani asrash, yashil hududlarni kengaytirish va sog‘lom turmush tarzini shakllantirish mamlakatimizda davlat siyosatining ustuvor yo‘nalishlaridan biriga aylandi. Prezidentimiz tashabbusi bilan hayotga tatbiq etilayotgan “Yashil makon” umummilliy loyihasi doirasida respublikaning barcha hududlarida keng ko‘lamli ko‘chat ekish ishlari amalga oshirilmoqda. Ushbu loyiha orqali shahar va tumanlarda yashil maydonlar qamrovini oshirish, ekologik muvozanatni tiklash hamda aholiga yanada qulay yashash muhiti yaratish ko‘zda tutilgan.

Shu maqsadda Kogon tumanida ham loyiha doirasidagi ishlar izchil davom etmoqda. Jumladan barcha hududlardagi ijtimoiy soha obyektlari, aholi xonadonlari, fermer xo‘jaliklari, ayniqsa dala maydonlari va yo‘l bo‘ylarida noyob, manzarali daraxt ko'chatlari ekilmoqda. Mazkur ishlar nafaqat hududning ko‘rkamligini oshiradi, balki kelgusida iqtisodiy samaradorlik ham berishi, ekologik muhitni yaxshilashi bilan ahamiyatlidir.

“Yashil makon” loyihasining Kogon tumanida olib borilayotgan amaliy ishlari — ekologik farovonlik, toza havo va yashil muhitni avlodlarga meros sifatida qoldirishga qaratilgan ezgu tashabbusning yana bir yorqin ko‘rinishidir.

Jumladan, Kogon tumanida ham yashil makon umummilliy loyihasi doirasida bir qator ishlar amalga oshirilmoqda. bugun 29-noyabr kuni tumanda tashkil qilingan yoshlar markazida ko'chat ekish ishlari boshlandi. Tuman Kengashi deputatlari ham ushbu savol ishga o'z hissalarini qo'shishmoqda.

Xususan tuman kengashi raisi O.Qazoqov boshchiligida boshlangan ushbu ezgu ishga tumandagi barcha korxona va tashkilot rahbarlari jalb qilinib, ushbu amaliy tadbirga barcha mutasaddi tashkilot rahbarining ishtiroki ta'minlandi.

Yaxshidan bog' yomondan dog' qoladi deganlariga o'xshab deputatlar ushbu amaliy tadbirga faol ishtgirok etishdi.