🏛 Fuqarolar vakillari faoliyatini o‘rganish bo‘yicha ishchi guruh shakllantirildi
Xalq deputatlari Pastdarg‘om tumani Kengashining korrupsiyaga qarshi kurashish va xavfsizlik masalalari bo'yicha doimiy komissiyasi tomonidan fuqarolar vakillari faoliyatini tashkil etish hamda amaldagi Nizom talablarining tumandagi ijrosini o‘rganish maqsadida ishchi guruh shakllantirildi.
👥 Ishchi guruh tomonidan hududlarda fuqarolar vakillarining faoliyati, ularning aholi bilan ishlashi, fuqarolar vakillari yig‘ilishlarining tashkil etilishi, bayonnomalar yuritilishi hamda qabul qilingan qarorlarning ijrosi o‘rganiladi.
🔎 Shuningdek, quyidagi yo‘nalishlarga alohida e’tibor qaratiladi:
🔹 kam ta’minlangan va ehtiyojmand oilalarni qo‘llab-quvvatlashdagi ishtirok;
🔹 obodonlashtirish, ko‘kalamzorlashtirish va sanitariya holatini yaxshilashga ko‘maklashish;
🔹 kommunal xizmatlar sifati ustidan jamoatchilik nazoratida ishtirok etish;
🔹 aholi murojaatlari va hududiy muammolarni aniqlash hamda ularni tegishli tashkilotlarga yetkazish;
🔹 mahalla komissiyalari bilan hamkorlik;
🔹 fuqarolar vakillarining har chorakda aholi oldida hisobot berishi holati.
📌 O‘rganish yakunlari bo‘yicha aniqlangan muammolarni bartaraf etish va fuqarolar vakillari faoliyatini yanada samarali tashkil etish yuzasidan tegishli tavsiya va takliflar ishlab chiqiladi.
⚖️ Mazkur ishlar fuqarolar vakillarining faoliyatini tartibga soluvchi Nizom talablari ijrosi yuzasidan deputatlik nazorati doirasida amalga oshirilmoqda.