O‘zbekiston Respublikasi Prezidentining 2026-yil 3-sentyabr kuni kambag‘allikni qisqartirish va aholi daromadlarini oshirish bo‘yicha ishlarni yangi bosqichga olib chiqish yuzasidan o‘tkazgan videoselektor yig‘ilishi hamda 2026-yil 11-sentyabrdagi PF-193-son Farmoniga asosan tumanning “Pskom” mahallasida istiqomat qiluvchi fuqaro D.Radjametovning yashash sharoiti O‘zbekiston “Milliy tiklanish” demokratik partiyasidan saylangan deputat D.Xolmurotov tomonidan mahallaga biriktirilgan ijtimoiy xodim B.Raxmonberdiyev ishtirokida o‘rganildi.

🔻O‘rganish davomida fuqaro oilasi va uch nafar farzandi bilan ijara xonadonda yashayotgani aniqlandi. Oilaning mavjud ijtimoiy-maishiy sharoiti, daromad manbalari va kundalik ehtiyojlari bilan bog‘liq masalalar o‘rganildi. Suhbat jarayonida oilada doimiy va barqaror daromad manbasini shakllantirish muhim masalalardan biri ekani ma’lum bo‘ldi. Shu munosabat bilan fuqaroning bandligini ta’minlash, uning mavjud kasbiy ko‘nikmalari va imkoniyatlaridan kelib chiqib munosib ish o‘rni bilan ta’minlash masalasiga alohida e’tibor qaratildi.

🔻Deputat tomonidan oilaning ijtimoiy holatini yaxshilash, mavjud muammolarini bartaraf etish va daromad manbasini shakllantirish bo‘yicha mas’ul tashkilotlar bilan hamkorlikda tegishli choralar ko‘rish zarurligi ta’kidlandi.