Xalq deputatlari Toyloq tuman Kengashi raisi Dilafruz Ulug‘boyeva Orzuyevna tomonidan Birlik mahallasida xotin-qizlar faoli faoliyati va amalga oshirilayotgan ishlar samaradorligi o‘rganildi.

O‘rganish davomida ajrim yoqasida turgan 4 nafar oilani yarashtirish, oilaviy ajrimlarning oldini olish, xorijga chiqib ketgan ayollarni Vatanga qaytarish, ularning bandligini ta’minlash hamda farzandlarni ota-ona mehridan ayirmaslik borasida tushuntirish va targ‘ibot ishlari olib borildi.

Shuningdek, kelgusi hafta Birlik mahallasida ajrim yoqasidagi va nizoli oilalar masalasiga bag‘ishlangan yig‘ilish o‘tkazish belgilandi. Unda mahalla nuroniylari, hoji ota va hoji onalar hamda mahalla faollari ishtirok etishi ko‘zda tutilgan.