Hududdagi infratuzilma holati o‘rganildi

Xalq deputatlari Termiz tuman Kengashi 10-Yangiyo‘l saylov okrugi deputati R. Shamanov hamda tuman Kengashi mutaxassisi T. Murodov bilan birgalikda Qo‘ng‘irot MFY hududida amalga oshirilayotgan infratuzilma ishlari joyiga chiqqan holda o‘rganildi.

O‘rganish davomida hududda o‘rnatilgan beton elektr ustunlari, tortilgan elektr uzatish tarmoqlarining holati hamda ichki yo‘llardagi mavjud vaziyat ko‘zdan kechirildi.

Aniqlangan masalalar yuzasidan mutasaddi tashkilotlar bilan hamkorlikda tegishli choralarni ko‘rish va mavjud kamchiliklarni bartaraf etish bo‘yicha tavsiyalar berildi. Deputatlik nazorati doirasida ushbu masalalar ijrosi yuzasidan monitoring ishlari davom ettiriladi.