Xalq deputatlari viloyat Kengashi deputati Q.Shojanov Yangiariq tumanida jamoat transportining muntazam harakatlanishi, bekatlar holati hamda chipta olish qulayligini oʻrgandi.

📊 Bugungi kundagi transport parkida: Hozirda jamiyatimiz tasarrufida 48 ta transport vositasi mavjud:
17 ta ISUZU avtobusi
8 ta FOTON avtobusi
12 ta JAC SUNRAY mikroavtobusi
11 ta boshqa turdagi transport vositalari

🛣 Mavjud yoʻnalishlar:
3 ta avtobus yoʻnalishi — chekka qishloqlarni tuman markazi bilan bogʻlaydi;
4 ta avtobus yoʻnalishi — tumanimizni Urganch shahri bilan bogʻlaydi;
1 ta mikroavtobus yoʻnalishlari mavjud.

🎉 Xushxabar: Transport parkida 18 ta yangi avtobus bilan boyimoqda!
🚌 Jamoat transportini moliyalashtirishning yangi tizimiga oʻtish maqsadida joriy yilning may oyida «YANGIARIQ TRANS» MCHJ hamda «FOTON ERATRUK COLTD» oʻrtasida shartnoma imzolandi. Ipoteka-bank Xorazm viloyat filiali kredit mablagʻlari hisobiga 18 ta yangi FOTON BJ6931 CNG (tabiiy gazda ishlovchi) avtobuslari xarid qilindi.
🔵Model va oʻlchami: FOTON BJ6931 CNG (9500×2450×3350 mm)
🚏Yoʻnalishi: Brutto-shartnoma asosida Urganch shahrida yoʻlovchilarga xizmat koʻrsatadi.
Hozirgi holati: Avtobuslar «Xorgos» bojxona postidan Urganch shahriga qarab yoʻlga chiqqan.
🔹 Kelish muddati: 2026-yil 25-avgustga qadar yetib kelishi kutilmoqda.

💡Tumanimiz va viloyatimiz aholisiga sifatli, xavfsiz hamda namunali darajadagi xizmat koʻrsatish — bosh maqsadimizdir!