Xalq deputatlari Sardoba tumani Kengashi bosh mutaxassisi L.Toshquvvatov tomonidan tuman Kengashi deputati
N.Xamidovaning tashabbusi bilan aholi bandligini ta’minlash, ishsiz fuqarolarni doimiy daromad manbai bilan ta’minlash hamda bandlikka ko‘maklashish sohasida amalga oshirilayotgan ishlar o‘rganildi.
O‘rganish jarayonida aholini ish bilan ta’minlash bo‘yicha olib borilayotgan chora-tadbirlar, mavjud bo‘sh ish o‘rinlari, kasb-hunarga o‘qitish, tadbirkorlikka jalb etish hamda o‘zini o‘zi band qilish dasturlari doirasida amalga oshirilayotgan ishlar tahlil qilindi.
Shuningdek, fuqarolar bilan suhbatlar o‘tkazilib, ularning bandlik masalasidagi murojaat va takliflari o‘rganildi.
O‘rganish natijalariga ko‘ra, mas’ul tashkilotlarga aholi bandligini yana-da oshirish, ishsiz fuqarolarni mavjud bo‘sh ish o‘rinlariga yo‘naltirish, kasbiy o‘quvlarga jalb qilish va tadbirkorlikni qo‘llab-quvvatlash bo‘yicha amaliy choralarni kuchaytirish yuzasidan tegishli tavsiyalar berildi.
Mazkur masala ijrosi Xalq deputatlari Sardoba tumani Kengashining deputatlik nazoratiga olindi