Olmaliq shahrini toza, ozoda va obod hududga aylantirish, aholi yashash joylarida sanitariya talablariga rioya etilishini ta’minlash borasidagi nazorat tadbirlari davom etmoqda.
📌 Kuni kecha shahrimizning 5/2-kichik nohiyasi, Ulug‘bek ko‘chasida joylashgan chiqindixona holati, atrof-muhit tozaligi hamda chiqindilarni o‘z vaqtida olib chiqib ketilish grafigiga rioya etilishi holati joyida borib o‘rganildi.

O‘rganishda:
Sevar Qodirova — Xalq deputatlari Olmaliq shahar Kengashi Kotibiyati mudiri;
Shermuhammad Begiyev — Shahar hokimining o‘rinbosari;
Muhriddin Begmatov — Shahar hokimligi bosh mutaxassisi ishtirok etdi.

O‘rganish jarayonida hududdagi chiqindi yig‘ish shoxobchasida belgilangan grafiklar buzilganligi, atrofning sanitar holati qoniqarsiz ekanligi hamda chiqindilar o‘z vaqtida olib chiqib ketilmaganligi oqibatida noxush holat yuzaga kelganligi aniqlandi.
Zudlik bilan choralar ko'rilmoqda: > Aniqlangan kamchiliklar yuzasidan shahar hokimi o‘rinbosari Sh. Begiyev tomonidan mutasaddi va mas’ul tashkilot rahbarlariga qat’iy topshiriqlar berildi. Mavjud kamchiliklarni zudlik bilan bartaraf etish va chiqindi olib chiqish grafiklarini qat’iy nazoratga olish bo‘yicha tezkor ishlar boshlab yuborildi.

Hududlarimiz tozaligi va ekologik barqarorligi doimiy nazoratda bo‘ladi!