Shu munosabat bilan, Xalq deputatlari Termiz shahar Kengashining 17-“Surxon sohili” saylov okrugi deputati B.Raxmatullayev, Kengashning Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi X.Xolmuminov hamda Kengash kotibiyati bosh mutaxassisi R.Mamashukurovlar ishtirokida “Manguzar” mahallasida o‘rganish ishlari olib borildi.

💬Mazkur nazorat-tahlil tadbiri shunchaki tanishuv emas, balki O‘zbekiston Respublikasining 2016-yil 14-sentabrdagi O‘RQ-406-sonli “Yoshlarga oid davlat siyosati to‘g‘risida”gi Qonuni talablari hamda mahalliy Kengash deputatlari faoliyati uchun belgilangan “24 ta eng muhim yo‘nalish” mezonlari doirasida tashkil etildi. Asosiy maqsad — mahalla yoshlar yetakchisining ish samaradorligini baholash va hududdagi yoshlar bilan ishlash tizimining bugungi holatini tahlil qilishdan iborat.

Deputatlar tomonidan mahalla yoshlar yetakchisining kunlik faoliyati, xususan, uyushmagan yoshlar bilan ishlash, ularning bandligini ta’minlash hamda tadbirkorlik tashabbuslarini qo‘llab-quvvatlash borasidagi hujjatlari va amaliy ishlari ko‘zdan kechirildi. O‘rganish jarayonida quyidagi jihatlarga alohida urg‘u berildi:
“Yoshlar daftari” va ijtimoiy himoya: Daftarga kiritilgan yoshlarga ko‘rsatilayotgan yordam turlari, subsidiyalar ajratilishi va ularning natijadorligi.
Bandlik masalasi: Mahalladagi ishsiz yoshlarning ro‘yxati va ularni doimiy ish joylari bilan ta’minlash borasida amalga oshirilayotgan chora-tadbirlar.
Besh muhim tashabbus: Yoshlarning bo‘sh vaqtini mazmunli tashkil etish, madaniyat, sport va axborot texnologiyalariga jalb qilish darajasi.
Tahlil davomida deputatlar yoshlar yetakchisining faoliyatidagi yutuqlar bilan birga, ayrim metodik kamchiliklarga ham to‘xtalib o‘tdilar. Jumladan, yoshlar o‘rtasida jinoyatchilik va huquqbuzarliklarning oldini olish bo‘yicha profilaktik tadbirlarni yanada kuchaytirish, tuman darajasidagi tashkilotlar bilan hamkorlikni jadallashtirish yuzasidan ko‘rsatmalar berildi.
R.Mamashukurov tomonidan kotibiyat nomidan yoshlar yetakchisiga ish yuritish va hisobotlarni shakllantirishda qonun talablariga qat’iy rioya etish bo‘yicha uslubiy tavsiyalar berildi.
Yakunda aniqlangan kamchiliklarni bartaraf etish va istiqboldagi vazifalarni belgilab olish maqsadida tegishli chora-tadbirlar rejasi kelishib olindi. Bunday nazorat-tahlil tadbirlari "mahallabay" ishlash tizimini yanada takomillashtirishga va "Manguzar" mahallasi yoshlarining ijtimoiy hayotdagi faolligini oshirishga xizmat qiladi.