Xalq deputatlari Qiziltepa tumani Kengashi raisi U. Bobojonov tegishli tashkilot va korxonalar rahbarlari ishtirokida deputat so‘rovlari ijrosiga bag‘ishlangan yig‘ilish o‘tkazdi.

Yig‘ilishda deputat so‘rovlarini o‘z vaqtida va sifatli ko‘rib chiqish, ularga qonunchilikda belgilangan muddatlarda asoslantirilgan javoblar taqdim etish zarurligi alohida ta’kidlandi.

Shuningdek, Xalq deputatlari tuman Kengashi deputatlarining saylovchilar bilan o‘tkazadigan uchrashuvlarida tasdiqlangan grafik asosida tegishli korxona va tashkilotlar rahbarlarining ham ishtirok etishi belgilab qo‘yilgani eslatib o‘tildi.

Mutasaddilarga deputat so‘rovlari ijrosini nazoratga olish, fuqarolar murojaatlariga mas’uliyat bilan yondashish hamda ularning muammolarini o‘z vaqtida bartaraf etish yuzasidan tegishli topshiriqlar berildi.