Xalq deputatlari Pastdarg‘om tuman Kengashi deputati J. Ochilov tomonidan hududdagi kutubxona faoliyati o‘rganildi.

O‘rganish davomida kutubxonada kitob fondining holati, kitobxonlar uchun yaratilgan sharoitlar, axborot-resurs xizmatlarining sifati hamda yoshlarning kitob mutolaasiga bo‘lgan qiziqishini oshirish borasida amalga oshirilayotgan ishlar bilan yaqindan tanishildi.

Shuningdek, kutubxona faoliyatini yanada takomillashtirish, kitobxonlar sonini ko‘paytirish va aholining, ayniqsa yoshlarning bo‘sh vaqtini mazmunli tashkil etishda kutubxonaning o‘rnini kuchaytirish yuzasidan mas’ullar bilan fikr almashildi.

Deputat tomonidan bildirilgan taklif va tavsiyalar asosida mavjud kamchiliklarni bartaraf etish hamda kutubxona xizmatlari sifatini oshirish bo‘yicha tegishli vazifalar belgilab olindi.