Xalq deputatlari Qo‘qon shahar Kengashi deputati X.Nazarova tomonidan o‘ziga biriktirilgan Qo‘qon shahar Ekologiya va iqlim o‘zgarishi bo‘limida O‘zbekiston Respublikasining “Chiqindilar to‘g‘risida”gi Qonuni ijrosi yuzasidan amalga oshirilayotgan ishlar muhokama qilindi.

Muhokamada bo‘lim boshlig‘i S.Sultonov hamda Ekologiya nazorati (ekopolitsiya) xodimlari ishtirok etib, hududda chiqindilarni to‘plash, tashish va belgilangan tartibda utilizatsiya qilish, noqonuniy chiqindi tashlash holatlarining oldini olish hamda ekologik nazoratni kuchaytirish borasida olib borilayotgan ishlar yuzasidan axborot berildi.

Xususan, aholi o‘rtasida ekologik madaniyatni yuksaltirish, maishiy chiqindilarni saralash tizimini rivojlantirish, sanitariya holatini yaxshilash, noqonuniy chiqindi to‘planadigan hududlarni bartaraf etish hamda qonun talablariga rioya etilishi ustidan nazoratni kuchaytirish masalalari atroflicha muhokama qilindi.

Shuningdek, mazkur yo‘nalishda davlat organlari, mahallalar va mas’ul tashkilotlar o‘rtasidagi hamkorlikni yanada mustahkamlash, ekologik qonunchilik ijrosini samarali ta’minlash hamda aniqlangan kamchiliklarni bartaraf etish yuzasidan tegishli tavsiya va takliflar bildirildi.

Xalq deputatlari Qo‘qon shahar Kengashi