Mahalliy Kengash deputatlari faoliyatining eng muhim yo‘nalishlari bo‘yicha belgilangan 24 ta tavsiya asosida amaliy ishlar izchil olib borilmoqda.

Xalq deputatlari Andijon shahar Kengashi deputati A. Appaqov hamda Kengash kotibiyati bosh mutaxassisi O. Olimjonov Andijon shahridagi "Mustaqillikning 21 yilligi" MFYda bo‘lib, mahalladagi ishlar bilan tanishdi.

Muloqot davomida mahalla raisi tomonidan hududda amalga oshirilayotgan ishlar, mahalla yettiligi faoliyati hamda aholi muammolarini o‘rganish va ularni bartaraf etish borasidagi ishlar yuzasidan ma'lumot berildi.

Shuningdek, hokim yordamchisi tomonidan aholini tadbirkorlikka jalb etish, kambag‘allikni qisqartirish, fuqarolar muammolarini aniqlash va ularni hal etish bo‘yicha olib borilayotgan ishlar ko‘zdan kechirildi.

Mahallada amalga oshirilayotgan ishlar o‘rganib borilmoqda.

Xalq deputatlari Andijon shahar Kengashi matbuot xizmati