Májiliske xalıq deputatları Nókis rayonlıq Keńesiniń baslıǵı, 2-sanlı "Jiydeli" saylaw okruginiń deputatı hám Ekspert toparınıń baslıǵı N.Seytnazarov basshılıq etti

Ilaj dawamında 2026-jıldıń 6 ayı dawamında ótkerilgen sessiyalarda kórip shıǵılǵan máseleler, qabıl etilgen qararlar hám olardıń rayonnıń sociallıq-ekonomikalıq rawajlanıwındaǵı áhmieti hár tárepleme dodalandı. Sonday-aq, sessiyalarǵa kirgizilgen qarar joybarların tayarlaw, olardı huqıqıy ekspertizadan ótkeriw hám ámeldegi nızamshılıq talaplarına muwapıqlıǵı boyınsha ámelge asırılǵan jumıslar haqqında tolıq maǵlıwmat berildi

Májiliste sessiya materiallarınıń sapası, qabıl etilip atırǵan qararlardıń huqıqıy tiykarlanǵanlıǵı, áhmietliligi hám xalıqtıń máplerine xızmet etiwi máselelerine ayrıqsha itibar qaratıldı. Atap ótilgenindey, hár bir qarar rayonnıń turaqlı rawajlanıwı, xalıqtıń abadanlıǵın arttırıw hám aymaqlardaǵı bar mashqalalardı sheshiwge xızmet etiwi kerek

Bunnan soń Ekspert toparı baslıǵınıń orınbasarı, miynet veteranı M.Qoyshıbaev shıǵıp sóylep, sessiyalarǵa kirgizilip atırǵan materiallardıń hár tárepleme puqta islep shıǵılıp atırǵanı, qabıl etilip atırǵan qararlardıń nızam talaplarına tolıq muwapıqlıǵı hám Nókis rayonınıń sociallıq-ekonomikalıq rawajlanıwında úlken áhmietke iye ekenligin ayrıqsha atap ótti. Sonıń menen birge, keleshekte de qarar joybarların tayarlawda ashıq-aydınlıq, qalıslıq hám nızamlılıq principlerine qatań ámel etiw zárúr ekenligin bildirdi

Májilis juwmaǵında Ekspert toparınıń keleshektegi jumısın jáne de jetilistiriw, sessiya materiallarınıń sapasın arttırıw hám qabıl etilip atırǵan qararlardıń nátiyjeliligin kúsheytiw boyınsha tiyisli wazıypalar belgilep alındı

Xalıqtıń mápine xızmet etetuǵın hár bir qarar - aymaqtıń rawajlanıwı hám xalıqtıń abadanlıǵı jolında taslanǵan áhmietli qádem bolıp esaplanadı