O‘zbekiston Respublikasi Prezidentining PQ–93-sonli qarori ijrosini ta’minlash hamda Xalq deputatlari Boyovut tumani Kengashi kotibiyatining ish rejasiga muvofiq, Boyovut tumani "Navro‘z" mahallasining "Yoshlar" ko‘chasida amalga oshirilayotgan asfaltlashtirish ishlari joyiga chiqib o‘rganildi.

O‘rganishda Xalq deputatlari Boyovut tumani Kengashi deputati A.Bo‘tayev hamda Kengash kotibiyati bosh mutaxassisi Sh.Suvankulov ishtirok etdi.

Jarayon davomida olib borilayotgan qurilish-montaj ishlari sifati va belgilangan muddatlarga rioya etilishi yuzasidan monitoring o‘tkazildi. Shuningdek, mahalla aholisi bilan muloqot qilinib, fuqarolarning taklif va mulohazalari tinglandi hamda ularni qiziqtirgan masalalar yuzasidan fikr almashildi.

Bildirilgan takliflarni amaliyotga tatbiq etish hamda amalga oshirilayotgan ishlar sifatini ta’minlash bo‘yicha tegishli tavsiya va ko‘rsatmalar berildi.