️Xalq deputatlari Jondor tumani Kengashiga 21-Po‘loti saylov okrugidan saylangan deputat Q.Safarov hamda tuman Kengashi kotibiyati bosh mutaxassislari J.Norov va R.Murodovlar Po‘loti mahallasi hududida joylashgan 8-maktabda bo‘lib, saylovchilar bilan navbatdagi uchrashuvni o‘tkazdilar.
⚡️Uchrashuv davomida mahalla aholisi va ta’lim muassasasi jamoasi tomonidan maktab atrofini o‘rab olish bilan bog‘liq mavjud muammo ko‘tarildi. Mazkur masala o‘quvchilar xavfsizligini ta’minlash, ta’lim muassasasi hududini muhofaza qilish hamda tartib-intizomni mustahkamlash nuqtai nazaridan muhim ahamiyatga ega ekani ta’kidlandi.
⚡️Muammoni ijobiy hal etish maqsadida deputat Q.Safarov tomonidan deputat so‘rovini kiritish orqali tegishli mutasaddi tashkilotlar bilan hamkorlikda amaliy choralar ko‘rishga kelishib olindi.
⚡️Uchrashuv ochiq muloqot ruhida o‘tib, fuqarolar tomonidan bildirilgan taklif va murojaatlar tinglandi. Shuningdek, aholini qiynayotgan masalalarni o‘z vaqtida o‘rganish va ularga qonuniy yechim topishda deputatlik nazorati hamda saylovchilar bilan doimiy muloqot muhim ahamiyat kasb etishi alohida qayd etildi.
⚡️Bunday uchrashuvlar hududlardagi dolzarb muammolarni aniqlash, ularni tizimli ravishda bartaraf etish va aholi manfaatlarini ta’minlashga xizmat qilmoqda.