Mamlakatimizda aholi farovonligini oshirish va hududlarda kichik biznesni rivojlantirish maqsadida joriy etilgan "Hokim yordamchilari" instituti bugun oʻzining amaliy natijalarini koʻrsatmoqda.
Saribozor mahallasi hokim yordamchisi tomonidan hududda oilaviy tadbirkorlikni rivojlantirish dasturi doirasida tashkil etilgan mikroloyihalarning samaradorligi tahlil qilindi. Xususan, mahalladagi yetakchi yoʻnalishlardan biri boʻlgan issiqxona xoʻjaligi faoliyati yaqindan oʻrganildi.
Mazkur monitoring jarayonida asosiy eʼtibor issiqxonaning mahsuldorligi, agrotexnik talablarga rioya etilishi hamda mahsulot sotish zanjirini toʻgʻri shakllantirish masalalariga qaratildi. Shuningdek, muloqot davomida tadbirkorning ishlab chiqarish hajmini oshirish, zamonaviy texnologiyalarni joriy etish hamda qoʻshimcha ish oʻrinlarini yaratishga qaratilgan taklif va mulohazalari atroflicha tinglandi.
Bildirilgan takliflar asosida hududiy infratuzilmani yaxshilash va tadbirkorga zaruriy amaliy koʻmak berish yuzasidan tegishli vazifalar belgilandi. Saribozor mahallasida kichik biznes subyektlarini qoʻllab-quvvatlash hamda aholi daromadlarini oshirishga qaratilgan ushbu tizimli ishlar tizimli ravishda davom ettiriladi.
Bizni kuzatib boring:👇
|📲 Telegram | 💻Facebook