🇺🇿Sessiyada tuman Kengashi deputatlari, tuman tashkilot va korxonalari rahbarlari hamda ommaviy axborot vositalari vakillari ishtirok etdi.

🔹Sessiya kun tartibida sakkizta masala ko‘rib chiqildi. Jumladan, tuman mahalliy budjetining 2026-yilda shakllangan qo‘shimcha manbalari hisobidan mablag‘larni yo‘naltirish, tuman hokimligi huzuridagi “Infratuzilma va ijtimoiy barqarorlik” jamg‘armasi mablag‘larini taqsimlash, yoshlarning yozgi ta’til davrini mazmunli tashkil etishga qaratilgan “Dolzarb 90 kun” chora-tadbirlar dasturini tasdiqlash hamda “Ochiq budjet” axborot portali orqali amalga oshirilayotgan “Mening bog‘im” loyihasi doirasida “Yashil bog‘” tashkil etish masalalari muhokama qilindi.

🔹Shuningdek, “Yoshlar daftari” jamg‘armasidan mablag‘ ajratish, Xalq deputatlari Bag‘dod tumani Kengashi huzuridagi Xalqparvar komissiyasi tarkibiga hamda Kengashning doimiy komissiyalari tarkibiga o‘zgartirishlar kiritish, shuningdek, Xalq deputatlari Bag‘dod tuman Kengashi sessiyalarida mаs’ul davlat organlari vа tashkilotlari rahbarlarining murоjааtlаr bilan ishlash bo‘yicha axborot (hisobot)lari eshitilishini samarali tashkil qilish chora-tadbirlari bo‘yicha masalalar ham ko‘rib chiqildi.

➡️Sessiya yakunida kun tartibidagi barcha masalalar yuzasidan tegishli qarorlar qabul qilinib, ularning ijrosini ta’minlash bo‘yicha mas’ullarga aniq topshiriqlar berildi.

🔹Ochiqlik va shaffoflik tamoyillarini ta’minlash maqsadida sessiya jarayoni tuman Kengashining Youtube ijtimoiy tarmog‘i orqali jonli efirda namoyish etildi.

✨Sessiyada qabul qilingan qarorlar tumanni ijtimoiy-iqtisodiy rivojlantirish, yoshlarni har tomonlama qo‘llab-quvvatlash, mahalliy budjet mablag‘laridan samarali foydalanish hamda jamoatchilik manfaatlarini ta’minlashga xizmat qiladi.