Mazkur o‘rganish Qonunlar taqsimoti doirasida tuzilgan savolnomalar asosida deputatlar va doimiy komissiyalar tomonidan amalga oshirilayotgan nazorat tadbirlari doirasida tashkil etildi.

O‘rganish jarayonida O‘zbekiston Respublikasining “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi Qonuni, shuningdek, “Aholiga davlat ijtimoiy xizmatlari va yordami ko‘rsatish tizimini yanada takomillashtirish to‘g‘risida”gi Qonun (O‘RQ–415, 2016-yil 26-dekabr) talablari ijrosi yuzasidan amalga oshirilayotgan ishlar atroflicha tahlil qilindi.

Xususan, mahalladagi ijtimoiy xodim tomonidan:

keksalar, nogironligi bo‘lgan shaxslar hamda boshqa ijtimoiy ehtiyojmand fuqarolarni aniqlash va ular bilan manzilli ishlash;

ijtimoiy xizmatlarni o‘z vaqtida va sifatli tashkil etish;
kam ta’minlangan oilalarga ijtimoiy nafaqalar va moddiy yordam tayinlash hamda to‘lashning qonuniyligi;

ehtiyojmand oilalarning ijtimoiy himoyasini kuchaytirish borasida amalga oshirilayotgan ishlar yuzasidan batafsil o‘rganish olib borildi.

Shuningdek, mahalladagi mavjud holat, fuqarolarning murojaatlari bilan ishlash, ehtiyojmand oilalarga ko‘rsatilayotgan xizmatlarning samaradorligi hamda sohada uchrayotgan muammolar muhokama qilinib, ularni bartaraf etish yuzasidan tegishli tavsiya va takliflar bildirildi.

Ta’kidlanganidek, qonun hujjatlari ijrosini joyiga chiqib o‘rganish, ijtimoiy xizmatlar sifatini baholash hamda aholining ijtimoiy himoyaga bo‘lgan ehtiyojlarini chuqur tahlil qilish mahalliy Kengashlarning nazorat faoliyatidagi ustuvor yo‘nalishlardan biri hisoblanadi. Bunday o‘rganishlar natijasida aniqlangan masalalar yuzasidan tegishli choralar ko‘rilishi hamda kelgusida Kengashning doimiy komissiyalari yig‘ilishlari va sessiyalarida muhokama qilinishi belgilandi.