Sessiya kun tartibiga kiritilgan masala o'rganildi

Xalq deputatlari Qiziriq tumani Kengashi bosh mutaxassisi A.Mamarajabov tomonidan tuman Kengashining navbatdagi sessiyasi kun tartibiga kiritilgan “Mahallani rivojlantirish va jamiyatni yuksaltirish yili” Davlat dasturi hamda “O‘zbekiston – 2030” strategiyasining hududlar kesimida ijro etilishi masalasi yuzasidan amalga oshirilayotgan ishlar holati o‘rganildi.

O‘rganishlar tuman hokimligi va Iqtisodiyot va moliya bo‘limida olib borilib, dastur va strategiyada belgilangan vazifalarning hududlarda ijro etilishi, maqsadli ko‘rsatkichlarga erishish borasida amalga oshirilayotgan chora-tadbirlar, ajratilgan mablag‘larning maqsadli sarflanishi hamda belgilangan indikatorlarning bajarilish holati tahlil qilindi.

Shuningdek, mas'ul xodimlar bilan muloqot davomida mavjud muammolar va ularni bartaraf etish yuzasidan ko‘rilayotgan choralar muhokama qilinib, dastur ijrosini yanada samarali tashkil etish, belgilangan vazifalarni o‘z vaqtida va sifatli bajarish bo‘yicha tegishli tavsiya va takliflar bildirildi.

Mazkur o‘rganish natijalari tuman Kengashining navbatdagi sessiyasida mazkur masala yuzasidan muhokama qilish jarayonida inobatga olinadi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram