Deputatlik so‘rovi javobi: Fuqarolar murojaati amalda o‘z yechimini topdi

Xalq deputatlari Termiz tuman Kengashi deputati tomonidan fuqarolar murojaatlari asosida Qoraxon mahallasi hududidagi piyodalar yo‘lakchasining nosoz holati yuzasidan tegishli tashkilotlarga deputatlik so‘rovi yuborilgan edi.

Mazkur murojaatda mahalla aholisi, ayniqsa, keksalar va yosh bolalarning harakatlanishida qiyinchilik tug‘dirayotgan piyodalar yo‘lakchasini ta’mirlash masalasi ko‘tarilgan edi.
Termiz tuman Obodonlashtirish boshqarmasi tomonidan murojaat atroflicha o‘rganilib, Qoraxon mahallasi hududidagi piyodalar yo‘lakchasida ta’mirlash ishlari amalga oshirildi hamda mavjud kamchiliklar bartaraf etildi.

Bu esa fuqarolar murojaatlari e’tibordan chetda qolmayotgani, aholi manfaatlarini ta’minlash va hududlarni obodonlashtirish borasidagi ishlar izchil davom etayotganining amaliy ifodasidir.

Fuqarolar tomonidan bildirilayotgan taklif va murojaatlar hududlarni yanada obod qilish, mavjud muammolarni bartaraf etish hamda aholi turmush farovonligini oshirishga xizmat qiladi.