2026-yil 17-iyun kuni Xalq deputatlari Andijon shahar Kengashi deputati A. Appaqov, Kengash kotibiyati bosh mutaxassisi Sh. Yusupov va Uy-joy bo‘limi mas’uli M. Jo‘raboyevlar “Hunarmand” MFY hududida joylashgan 9-oilaviy yotoqxonada o‘rganish ishlari olib bordilar.

O‘rganish jarayonida yotoqxona binosining ichki holati, umumiy foydalanish joylari hamda tashqi fasad qismi ko‘zdan kechirildi. Shuningdek, aholi bilan muloqot qilinib, ularning muammo va takliflari tinglandi.

Aholi tomonidan asosan ichki ta’mirlash ishlarini amalga oshirish, muhandislik-kommunikatsiya tarmoqlarini yaxshilash hamda tashqi fasadni yangilash, alohida tashqariga ayollar va erkaklar uchun xojatxona qurish masalalari ko‘tarildi.

Aniqlangan muammolarni tegishli mutasaddi tashkilotlar bilan hamkorlikda hal etish va yashash sharoitlarini yaxshilash bo‘yicha zarur chora-tadbirlar belgilandi.

Xalq manfaatlari yo‘lida amaliy ishlar davom etadi.