Xalq deputatlari Uchquduq tuman Kengashining 4-“Do‘stlik” saylov okrugidan saylangan deputati I.Raximov tomonidan saylov okrugi hududida navbatdagi saylovchilar bilan uchrashuv tashkil etildi.
Mazkur uchrashuvdan ko‘zlangan asosiy maqsad fuqarolar bilan ochiq muloqotni yo‘lga qo‘yish, ularning muammo va takliflarini bevosita eshitish hamda hududni yanada rivojlantirishga qaratilgan masalalarni muhokama qilishdan iborat bo‘ldi.

Uchrashuv davomida deputat tomonidan amalga oshirilayotgan ishlar, Kengash faoliyati, qabul qilinayotgan qarorlarning mazmun-mohiyati hamda hududda olib borilayotgan ijtimoiy-iqtisodiy islohotlar haqida batafsil ma’lumot berildi.

Shuningdek, fuqarolarning turmush darajasini yaxshilash, kommunal xizmatlar sifatini oshirish, ichki yo‘llarni ta’mirlash, hududlarni obodonlashtirish, aholi bandligini ta’minlash hamda yoshlar va xotin-qizlarni qo‘llab-quvvatlashga oid masalalar yuzasidan fikr almashildi.

Saylovchilar tomonidan hududdagi mavjud muammolar, infratuzilma holati, ijtimoiy xizmatlar sifati hamda boshqa dolzarb masalalar bo‘yicha murojaat va takliflar bildirildi. Har bir murojaat deputat tomonidan tinglanib, ularni qonunchilik doirasida hal etish, tegishli mutasaddi tashkilotlarga deputatlik so‘rovlari yuborish hamda ijrosini nazoratga olish yuzasidan tegishli vazifalar belgilab olindi.