Xalq deputatlari Qo‘qon shahar Kengashi 26-"Yangi obod" saylov okrugi deputati G.Payg‘amova tomonidan “Turkiston” mahalla fuqarolar yig‘inida fuqarolar tomonidan bildirilgan murojaatlar yuzasidan tegishli o‘rganishlar olib borildi.

Mahram ko‘chasi 9/16-uyda yashovchi D.Yusupov va uning turmush o‘rtog‘i M.Yusupova o‘rtasidagi oilaviy nizoni bartaraf etish maqsadida masala 2026-yil 8-iyun kuni bo‘lib o‘tadigan Shahar yarashtirish komissiyasi yig‘ilishi kun tartibiga kiritildi.

Shuningdek, Mahram ko‘chasi 10/37-uyda istiqomat qiluvchi N.Asanova qizi L.Sodiqovaning farzandlari uchun bolalar nafaqasini rasmiylashtirish yuzasidan murojaat qildi.

Fuqaroga amaldagi tartiblar bo‘yicha tushuntirish berilib, zarur hujjatlar qabul qilindi hamda bolalar nafaqasini tayinlash uchun ijtimoiy xodimga yo‘naltirildi.

Fuqarolarning murojaatlarini o‘z vaqtida ko‘rib chiqish va ularni qonuniy asosda hal etish bo‘yicha ishlar izchil davom ettirilmoqda.

Xalq deputatlari Qo‘qon shahar Kengashi