❗️Deputat o‘rganishidan so‘ng

🏛 Xalq deputatlari Olmazor tumani Kengashi raisi Shaxnoza Umarxodjayeva tumandagi "Yuqori Beshqo‘rg‘on” mahalla fuqarolar yig‘inida bo‘lib, hudud ichki infratuzilmasi, obodonlashtirish ishlari hamda ichki yo‘llarning joriy holatini o‘rgangan edi. O‘rganish jarayonida aniqlangan masalalar to‘liq bartaraf etildi.

📁 O‘rganish jarayonida hududdagi qarovsiz qoldirilgan maishiy chiqindilar uyumlari, tartibsiz o‘sib ketgan daraxt shox-shabbalari, zovur yoqasidagi qamishzor va chakalakzorlar hudud obodonchiligi e’tiborsiz qoldirilganligi aniqlangan edi. Mazkur holatlar ekologik muhitga salbiy ta’sir ko‘rsatishi va aholi harakati uchun xavfli vaziyat yuzaga kelayotgani hamda noqulayliklar keltirib chiqarishi qayd etildi.

📉 Deputat tomonidan aniqlangan kamchiliklar yuzasidan tegishli choralar ko‘rish masalasi kun tartibiga qo‘yildi. Xususan, hududni obodonlashtirish, sanitariya holatini yaxshilash hamda ichki yo‘llarni ta’mirlash bo‘yicha mutasaddi tashkilotlar bilan hamkorlikda amaliy ishlarni tashkil etish yuzasidan kelishuvga erishildi. Qisqa muddatda ma'sul tashkilotlar tomonidan hudud chiqindilardan tozalanib, aniqlangan muammolar to‘liq bartaraf etildi.

✔️ Xususan, “Yuqori Beshqo‘rg‘on” MFY raisi
S. Qorabayev tashabbusi bilan hududdagi zovurning 80 m qismiga sement qoplamasi yotqizilib, suvning behuda yo‘qotilishining oldi olinib, suv resurslarini tejashga erishildi. Mazkur ishlarning davomi sifatida zovurning qolgan 50 metr qismiga ham sement qoplamasi yotqizish masalasi ko‘rib chiqilmoqda. Ushbu tashabbus suv ta’minoti samaradorligini oshirish, hudud holatini yaxshilash hamda aholi manfaatlarini ta’minlashga xizmat qiladi.

📁 Kengash raisi Sh.Umarxodjayeva bunday joylardagi o‘rganishlar hududlardagi mavjud muammolarni o‘z vaqtida aniqlash va ularni tizimli hal etishda muhim ahamiyatga egaligini ta’kidladi. Aholi uchun qulay va xavfsiz yashash muhitini yaratish esa doimiy e’tibor va hamkorlikni talab etadi.