ФУҚАРОЛАР МУРОЖААТЛАРИ ТИНГЛАНДИ
Халқ депутатлари Янгиқўрғон туман Кенгаши депутати Абдуллаев Хуснимухаммад Нурмухаммедович томонидан сайлов округида жойлашган маҳаллада фуқаролар қабули ўтказилди.
Қабул жараёнида маҳалла аҳолиси билан очиқ мулоқот қилиниб, уларнинг кундалик ҳаётида учраётган муаммо ва таклифлари тингланди. Хусусан, электр энергияси, ичимлик суви, йўл таъмири, ижтимоий ёрдам, бандлик ҳамда коммунал хизматлар билан боғлиқ масалалар юзасидан мурожаатлар келиб тушди.
Фуқаролар томонидан билдирилган ҳар бир мурожаат депутат томонидан атрофлича ўрганилиб, айрим масалалар жойида ҳал этиш чоралари кўрилди. Қўшимча ўрганиш талаб этувчи мурожаатлар эса тегишли ташкилот ва мутасаддиларга йўналтирилиб, ижроси назоратга олинди.
✅ Қабул давомида аҳоли билан доимий мулоқот қилиш, уларни қийнаётган муаммоларга ечим топиш ҳамда халқ манфаатларини ҳимоя қилиш депутатлик фаолиятининг устувор вазифаларидан бири экани таъкидланди.
🤝 Бундай учрашув ва қабуллар фуқароларнинг муаммоларини ўз вақтида аниқлаш, уларни бартараф этиш ҳамда аҳоли розилигини таъминлашда муҳим аҳамият касб этмоқда.