Mahalladagi yoshlar yetakchisi tomonidan amalga oshirilayotgan tadbirlar samaradorligi, yoshlar bandligi holati o'rganildi 

Xalq deputatlari Chinoz tumani Kengashining O‘zLiDeP partiyasidan 18–Sutbuloq saylov okrugidan saylangan deputat Abduvohid Turdiboyev Kengashining ish rejasiga muvofiq, tumandagi "Sutbuloq" mahalla fuqarolar yig‘inida yoshlar bilan ishlash tizimi o‘rganildi.

O‘rganish jarayonida mahalladagi yoshlar yetakchisi tomonidan amalga oshirilayotgan tadbirlar samaradorligi, yoshlar bandligini ta’minlash borasida olib borilayotgan ishlar holati tahlil qilindi. Xususan, yoshlarni kasb-hunarga yo‘naltirish, ularni tadbirkorlik faoliyatiga jalb etish, bo‘sh vaqtlarini mazmunli tashkil qilishga qaratilgan tashabbuslarning natijadorligiga e’tibor qaratildi.

Shuningdek, yoshlar bandligini oshirish, ularning ijtimoiy faolligini kuchaytirish hamda mavjud muammolarni aniqlash va bartaraf etish yuzasidan tegishli tavsiyalar berildi.