Xalq deputatlari Bekobod shahar Kengashi kotibiyat mudiri X.Ibragimova va “Adolat” SDP dan saylangan “Metallurg” saylov okrugi deputati G.Sharipova bilan “Yoshlik” mahallasi hududida joylashgan 5-umumiy o‘rta ta’lim maktabida investitsiya dasturi asosida maktabning qurilishi jarayoni bilan tanishildi. Ta’kidlash joizki, ushbu maktab qurilishi uchun investitsiya dasturi doirasida jami 13 milliard 700 million so‘m mablag‘ ajratilgan bo‘lib, hozirgi kunda obyekt hududida 98 nafar ishchi-xodimlar faol mehnat qilmoqda. O‘tkazilgan suhbat chog‘ida qurilish ishlari belgilangan muddatda, ya’ni joriy yil avgust oyining oxiriga qadar to‘liq yakunlanishi rejalashtirilayotgani ma’lum qilindi. Shuningdek, mas’ullar tomonidan ishlar sifatini yanada oshirish, belgilangan muddatlarga qat’iy rioya etish hamda maktabni zamonaviy va qulay sharoitlarga ega holda foydalanishga topshirish yuzasidan tegishli tavsiyalar berildi.