Xalq deputatlari Bekobod shahar Kengashi kotibiyat mudiri X.Ibragimova va O'zMTPdan saylangan deputat K.Muxitdinova bilan “O‘zbekiston” mahallasi “Zarafshon” ko‘chasi 6-ko‘pqavatli uy yonida joylashgan chiqindilarni o‘z vaqtida olib chiqish holatini o‘rgandi. O‘rganish natijasida “Metall mexanik master” MChJ tomonidan chiqindilar o‘z vaqtida olib chiqib ketmayotganligi, shu bilan birga mahalla hududidagi Saylgoh hiyobonida shahar Obodonlashtirish boshqarmasi tomonidan xasharda olib chiqilgan shoh-shabalar ham olib ketilmaganligi aniqlandi. Havo harorati ko‘tarilishi bilan mazkur huddda yashayotgan aholi tomonidan chiqindi yig‘ish shaxobchasida antisanitar holatlar yuzasidan haqli e’tirozlar kelib tushmoqda. Mazkur holatni bartaraf etish yuzasidan ko‘p qavatli uylarga xizmat ko‘rsatuvchi “Bekobod ideal kommunal servis” boshqaruv servis kompaniyasi hamda “Metal mexanik master” MChJ tashkilot rahbariyatiga deputatlik so‘rovi chiqarishga kelishildi.