🏫 Maktabda qurilish va rekonstruksiya ishlari nazoratda

Oliy Majlis Qonunchilik palatasi deputati Yakubxodjayev Umid Anvarxodjayevich hamda Xalq deputatlari Sherobod tumani Kengashi kotibiyati mudiri O. Tursunov bilan birgalikda “Cho‘yinchi” mahallasidagi 56-son umumiy o‘rta ta’lim maktabida olib borilayotgan qurilish va rekonstruksiya ishlari ko‘zdan kechirildi.

📄 Mazkur loyiha O‘zbekiston Respublikasi Prezidentining “2026 — 2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ-393-son qarori asosida amalga oshirilmoqda.

🛠️ Tashrif davomida qurilish ishlarining borishi, sifat darajasi, belgilangan muddatlarga rioya etilishi hamda o‘quvchilar uchun yaratilayotgan sharoitlar muhokama qilindi.

🏫 Shuningdek, zamonaviy sinfxonalar, qulay infratuzilma va sifatli ta’lim muhiti yaratish masalalariga alohida e’tibor qaratildi.

✅ Mutasaddilar tomonidan qurilish ishlarini jadallashtirish, sifatni ta’minlash hamda belgilangan muddatda foydalanishga topshirish yuzasidan tegishli ko‘rsatmalar berildi.