#RasmiyAxborot #YoshlarSiyosati #YoshlarMaslahatGuruhi

Oʻzbekiston Respublikasi Oliy Majlisi Senati Kengashining “Xalq deputatlari viloyat, tuman va shahar Kengashlari huzurida Yoshlar maslahat guruhini tashkil etish toʻgʻrisida”gi KQ-102-V-sonli qarori ijrosini ta’minlash maqsadida, xalq deputatlari Sariosiyo tumani Kengashi huzuridagi “Yoshlar maslahat guruhi”ning navbatdagi yig‘ilishi bo‘lib o‘tdi.

”Yoshlar maslahat guruhi”ning navbatdagi yig‘ilishida guruh a’zolari hamda xalq deputatlari tuman Kengash kotibiyati bosh mutaxassisi, xalq deputatlari tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiya a’zosi N.Xamdamova ishtirok etdi. Yig'ilishda guruh faoliyatining ustuvor yo‘nalishlari muhokama qilindi.

Jumladan, yoshlarning ijtimoiy-siyosiy faolligini qo‘llab-quvvatlash, ularning muammo va takliflarini o‘rganish hamda Kengash faoliyatida faol ishtirokini ta’minlash, hududdagi yoshlar muammolarini aniqlash va ularning yechimiga doir takliflar ishlab chiqish, yoshlar manfaatlarini inobatga olgan holda qaror loyihalarini ishlab chiqishda ishtirok etish, qonunchilik hujjatlarini o‘rganish va takomillashtirish yuzasidan takliflar berish, yoshlar siyosatiga oid dasturlar va tashabbuslarda faol qatnashish, yoshlar masalalari yuzasidan jamoatchilik nazoratini amalga oshirish kabi muhim masalalar muhokama qilindi.

Shuningdek, yoshlar maslahat guruhi a'zolari o‘z taklif va tashabbuslari bilan bevosita Kengash faoliyatida ishtirok etishi, deputatlar bilan yaqin hamkorlikni yo'lga qo'yish, iqtidorli va tashabbuskor yoshlarni qo‘llab-quvvatlashni kuchaytirish, yoshlar muammolarini tizimli ravishda o‘rganib, amaliy yechimlar ishlab chiqish lozimligi ta'kidlandi.

Yoshlar bilan ishlash tizimini yanada takomillashtirish, ularning jamiyat hayotidagi faolligini oshirish va muammolariga tizimli yechim topish borasidagi izchil ishlar davom ettiriladi.