Xalq deputatlari Furqat tumani Kengashining tegishli doimiy komissiyasi yig‘ilishida tuman mahalliy budjetining 2026 yil 1-chorak yakuni bo‘yicha shakllangan qo‘shimcha manbalar hisobidan mablag‘larni yo‘naltirish masalasi atroflicha muhokama qilindi.

Yig‘ilishda mas’ul tashkilotlar tomonidan taqdim etilgan ma’lumotlarga ko‘ra, 2026 yilning 1-choragi davomida mahalliy budjet daromadlari reja ko‘rsatkichlaridan ortig‘i bilan bajarilib, qo‘shimcha moliyaviy manbalar shakllantirilgan. Ushbu mablag‘larni samarali va maqsadli yo‘naltirish, eng avvalo, hududdagi dolzarb ijtimoiy-iqtisodiy muammolarni hal etishga xizmat qilishi alohida ta’kidlandi.

Yig‘ilish davomida har bir yo‘nalish bo‘yicha aniq taklif va mulohazalar bildirilib, ajratiladigan mablag‘larning ochiqligi va shaffofligini ta’minlash, ularning maqsadli sarflanishi ustidan qat’iy nazorat o‘rnatish zarurligi qayd etildi.

Muhokamalar yakunida doimiy komissiya tomonidan tegishli tavsiyalar ishlab chiqilib, ushbu masala Xalq deputatlari tuman Kengashining navbatdagi sessiyasida ko‘rib chiqish uchun kiritilishi belgilandi.