Халқ депутатлари Наманган вилояти Кенгаши котибияти мудири Т. Гаппаров, вилоят Кенгаши депутатлари Ф. Хусанова ва Н. Имамова, шунингдек, Уйчи туман Кенгаши раиси Г.Ҳакимова ҳамда котибият мудири Н.Дедахановалар томонидан Уйчи туманидаги Давлат хизматлари маркази фаолияти ўрганилди.

Ўрганиш жараёнида марказда фуқароларга давлат хизматларини кўрсатиш сифати, мурожаатларни қабул қилиш ва кўриб чиқиш тартиби, хизматлардан фойдаланишда яратилган шароитлар ҳамда аҳолига қулайликлар даражаси алоҳида таҳлил қилинди. 

Ташриф доирасида «Мадад» нодавлат нотижорат ташкилоти вакиллари билан ҳамкорликда фуқаролар қабули ташкил этилиб, мурожаат этган фуқароларга ҳуқуқий маслаҳатлар ва амалий ёрдам кўрсатилди.

Шу билан бирга «Мадад» ННТ билан самарали ҳамкорликни изчил давом эттириш, аҳолига ҳуқуқий ёрдам кўрсатиш қамровини кенгайтириш ҳамда давлат хизматлари сифатини янада оширишга қаратилган қўшма тадбирларни амалга ошириш бўйича келишувга эришилди.