⏺O‘rganish jarayonida quyidagi muhim yo‘nalishlarga alohida e’tibor qaratildi:

✔️Xizmat sifati — fuqarolar uchun yaratilgan sharoitlar, navbatlar tartibi va tibbiyot xodimlarining muomalasi;

✔️Dori-darmon ta’minoti — imtiyozli dori vositalarining mavjudligi va ularning shaffof tarqatilishi;

✔️Raqamlashtirish — “Elektron poliklinika” tizimi va onlayn qabulga yozilish imkoniyatlari;

✔️Moddiy-texnik baza — tibbiy uskunalar, laboratoriya hamda kunduzgi statsionar faoliyati.

💬Deputatlar tashrif davomida bemorlar va ularning yaqinlari bilan muloqot qilib, ko‘rsatilayotgan xizmatlar yuzasidan fikr-mulohazalarni tingladilar.

💬“Birlamchi tibbiy bo‘g‘in — aholi salomatligini muhofaza qilishdagi eng muhim tizimdir. Har bir shifokor o‘z vaqtida xizmat ko‘rsatishi, har bir uskuna uzluksiz ishlashi zarur. Asosiy maqsad — xalqimizning tibbiyotdan rozi bo‘lishiga erishish,” — dedi Kengash raisi D.Normuradova.

⏺Mazkur o‘rganish ishlari O‘zbekiston Respublikasining “Fuqarolar sog‘lig‘ini saqlash to‘g‘risida” 265-I-son Qonuni (https://lex.uz/docs/26013) talablariga muvofiq amalga oshirilmoqda.

💬Ushbu qonunga ko‘ra:

✔️fuqarolarga sifatli va o‘z vaqtida tibbiy xizmat ko‘rsatish kafolatlanadi.

✔️tibbiyot muassasalarida zamonaviy sharoitlar yaratilishi shart.

✔️aholining sog‘lig‘ini muhofaza qilish davlat siyosatining ustuvor yo‘nalishlaridan biri hisoblanadi.

🫥O‘rganish yakunida aniqlangan ayrim texnik kamchiliklarni bartaraf etish va xizmat sifatini oshirish yuzasidan muassasa rahbariyatiga tegishli tavsiyalar berildi.