Xalq deputatlari Shayxontohur tuman Kengashi deputati Asadullayev Davron Ravshan oʻgʻli tomonidan tumandagi 321-koʻp tarmoqli ixtisoslashtirilgan maktabgacha taʼlim muassasasida “Bola huquqlarining kafolatlari toʻgʻrisida”ga Oʻzbekiston Respublikasi Qonunining ijrosi va bolalarga yaratilgan sharoitlar oʻrganildi.  

Mazkur qonun bolalarning asosiy huquqlari, erkinliklari va qonuniy manfaatlarini taʼminlashga qaratilgan boʻlib, u bolaning hayotga boʻlgan huquqi, taʼlim olish, sogʻliqni saqlash, shaxsiy daxlsizlik va himoya huquqlarini kafolatlaydi.

Deputat tomonidan qonunnig 22-23-moddalari ijrosini oʻrganish jarayonida qator muhim jihatlarga eʼtibor qaratildi. Xususan, taʼlim muassasasida bolalarning huquqlari qay darajada taʼminlanayotgani, ijtimoiy himoyaga muhtoj bolalar bilan ishlash tizimi samaradorligi va tibbiy xizmat koʻrsatish sohasi tahlil qilindi.

Shuningdek, oʻrganishda maktabgacha taʼlim muassasasi 1975-yilda qurib foydalanishga topshirilgan boʻlib, 21 nafar pedogoglar tomonidan 75 nafar tarbiyalanuvchilarga taʼlim-tarbiya berib kelinayotgani maʼlum boʻldi.

 Bundan tashqari, oʻrganish jarayonida bolalar huquqlari boʻyicha huquqiy targʻibotni kuchaytirish, taʼlim muassasalarida psixologik xizmatlar samaradorligini oshirish va bolalar bilan ishlovchi mutasaddi tashkilotlar oʻrtasida hamkorlikni mustahkamlash hamda bolalar xavfsizligini taʼminlash choralarini kengaytirish yuzasidan tavsiyalar berildi.

O'rganish yakunida, bola huquqlarini taʼminlash – nafaqat davlat organlari, balki butun jamiyatning muhim vazifasi ekanligi hamda bolalarga yaratilgan sharoit va imkoniyatlar ertangi kunimizning qanday boʻlishini belgilab berishi alohida ta'kidlab o'tildi.