2026-jıl 17-mart kúni Xalıq deputatları Taxtakópir rayonlıq Keńesiniń deputatı V.Dawletiyarova hám sekretariat bas qánigesi A.Teńızbaevlar birgelikte «Qaraoy» máhállesi aymaǵında jaylasqan 36-sanlı shańaraqlıq poliklinikası tárepinen óz waqtında sapalı medicinalıq járdem kórsetiliw hám biypul beriletuǵın dáriler menen támiyinlew jaǵdayı úyrenildi.

          Deputat tárepinen úyreniwde, 13 túrdegi diagnozdaǵı nawqaslarǵa reimbursaciya dástúri tiykarında 28 atamadaǵı biypul beriletuǵın dáriler hámde júrek qan tamır kesellikleri, endokrin kesellikleri, asqazan ishek kesellikleri, kem qanlıq hám qurt keseliklerine dári-dármaqlardıń jetkilikligi, olardıń nawqaslarǵa óz waqtında jetkiziliwi hám medicinalıq xızmet sapasına ayrıqsha itibar qaratıldı. 

    Sonday-aq, poliklinika xızmetkerleri menen sáwbet ótkerilip, xalıqtıń múrájatları hám ushırasıp atırǵan mashqalalar dodalandı.