Paxtakor tumani 14-son Bolalar musiqa va san’at maktabida o‘quvchilar tomonidan tayyorlangan qo‘l mehnati mahsulotlari ko‘rgazmali ijodiy yarmarka tashkil etildi.

Tadbirda Xalq deputatlari Paxtakor tuman Kengashi deputati, tumani hokimi Xusan Abduvoxidov hamda bir qator tashkilot rahbarlari ishtirok etib, o‘quvchilarning ijodiy ishlari bilan yaqindan tanishdi.

Yarmarkada o‘quvchilar tomonidan tayyorlangan rasmlar, tasviriy san’at ishlari, turli qo‘l mehnati buyumlari, milliy qo‘g‘irchoqlar hamda bezakli ishlanmalar namoyish etilib, sotuvga qo‘yildi. Ishtirokchilar o‘z mahsulotlarini did bilan taqdim etdilar.

Deputat yoshlarning iste’dodi va tashabbuskorligini yuqori baholab, bunday tadbirlar ularning kelgusidagi muvaffaqiyati uchun muhim ahamiyatga ega ekanini ta’kidladi.