Yoshlar kuni doirasida hududdagi yoshlar obyektlari ko‘zdan kechirildi

Xalq deputatlari Olmazor tumani Kengashi deputati, Toshkent davlat tibbiyot universiteti Yoshlar masalalari, ma’naviy va ma’rifiy ishlar bo‘yicha birinchi prorektor - Turdiqul Bobomuratov, Tuman hokimi Kudratilla Tulyaganov hamda mutasaddi rahbarlar ishtirokida hududdagi yoshlar ob’ektlarini ko‘zdan kechirildi. Xususan:

  Talabalar shaharchasi va «Inno» texnoparkida yoshlarning innovatsion loyihalari va hudud obodonchiligi o‘rganildi.

 Toshkent tibbiyot akademiyasi yotoqxonasida bo‘lib, talabalarning yashash sharoitlari va xavfsizligi tekshirildi.

  OTM rektorati bilan uchrashuvda talabalarni har tomonlama qo‘llab-quvvatlash masalalari muhokama qilindi.

  O‘rganish davomida aniqlangan kamchiliklarni bartaraf etish bo‘yicha mas’ullarga tegishli topshiriqlar berildi.

 Deputat o‘z nutqida talabalar bilan ochiq va samimiy muloqot deputatlik faoliyatining muhim yo‘nalishlaridan biri ekanini ta’kidlab, har bir murojaat e’tiborsiz qolmasligini qayd etdi. Bunday uchrashuvlar hududdagi dolzarb muammolarni aniqlash va ularni tizimli ravishda bartaraf etishda muhim ahamiyat kasb etadi.